Film Agency News
17 th May 2012
Treuliwch benwythnos yn y Gelli yng nghwmni rhai o'n prif wneuthurwyr ffilm
Bydd Gwyl lenyddol a chelfyddydol fyd-enwog y Gelli yn cychwyn ar ddiwrnod olaf mis Mai eleni. Am dridiau cyn hynny, fodd bynnag, o Fai 25ain, bydd sawl un sydd wedi ennill neu wedi eu henwebu am wobrau Oscar, yn ymuno â nifer o wneuthurwyr ffilm yn y Gelli am benwythnos o ddosbarthiadau meistr, dangosiadau a sesiynau C&A yn ‘Hay on Film’, digwyddiad agoriadol Ysgol Ffilm y Gelli.
Syniad Alan Trow o Gymdeithas Ffilmwyr Prydain, a Miguel Ferros MBKS, arbenigwr ar ôl-gynhyrchu digidol, yw ‘Hay on Film’, ac fe’i gefnogir gan yr Asiantaeth Ffilm. Maent wedi casglu ffilmwyr, cyfarwyddwyr, cynllunwyr a thechnegwyr ynghyd o bob rhan o Brydain i ddathlu’r gelfyddyd a’r grefft o wneud ffilm. Cynhelir y digwyddiad yn Sinema Siop Lyfrau Richard Booth - y siop lyfrau fyd-enwog.
Siop Richard Booth yw siop lyfrau fwyaf y Gelli, Tref y Llyfrau, a hi hefyd yw canolfan gelfyddydol y dref. Fe’i sefydlwyd yn 1962 gan Richard Booth, fu’n gyfrifol am selio enwogrwydd y Gelli fel canolfan fyd-enwog ar gyfer llyfrau ail-law. Mae wyneb hynod gain i’r siop gyda’r teils ‘animalier’ gwydrog sy’n arwain at siop eang o dri llawr sy’n gyforiog o gannoedd o filoedd o lyfrau ail-law, llyfrau hynafiaethol a llyfrau newydd.
Nid llenyddiaeth yw’r unig bluen yn het y ganolfan gelfyddydol hon, fodd bynnag. Yn ystod y blynyddoedd diwethaf mae’r perchennog newydd, Elizabeth Haycox, wedi cychwyn ar y gwaith o ail-wampio’r siop lyfrau enwog, gan gyflwyno sinema gelfyddydol newydd sbon.
Mae’r enwogion fydd yn dod i ‘Hay on Film’ yn cynnwys y Cyfarwyddwr a’r Sgriptiwr Bruce Robinson (Withnail & I, The Killing Fields, The Rum Diary); y Ffilmiwr Doug Milsome ASC BSC (Full Metal Jacket; The Shining); Nigel Ashcroft, Cynhyrchydd (The Tree of Life); a Revel Guest, Uwch-gynhyrchydd, (War Horse).
Bydd gweithdai a dangosiadau hefyd yn cael eu cynnal. Bydd y rhain yn cynnwys - Bloody Marvellous! y Cynllunydd Coluro Claire Williams yn rhannu cyfrinachau creu gwaed a gôr; a bydd Tom Harris, arbenigwr ar effeithiau arbennig, yn creu ffrwydradau, effeithiau brwydro a llanast yn gyffredinol!
Yn ysbryd gwyl fendigedig CamerImage Gwlad Pwyl, bydd y digwyddiadau a gynhelir gan Ysgol Ffilm y Gelli yn yn dod â myfyrwyr a gwneuthurwyr ffilm profiadol ynghyd i ddathlu eu celfyddyd.
Wrth sôn am y digwyddiad, dywedodd Emma Flatley, Pennaeth Arddangos ac Addysg Asiantaeth Ffilm Cymru: “Mae hwn yn ddigwyddiad hynod gyffrous ac uchelgeisiol, sy’n cynnwys rhestr o wneuthurwyr ffilm cwbl ysbrydoledig o bob maes o fyd y sinema. ‘Rwy’n siwr y bydd yn hynod boblogaidd gan ddilynwyr ffilm o bob rhan o Gymru a thu hwynt”.
Mae uchafbwyntiau penwythnos ‘Hay on Film’ yn cynnwys:
- C&A gyda Revel Guest, Uwch-gynhyrchydd, War Horse
- Gweithdy ysgrifennu sgript gyda Bruce Robinson, Withnail & I; The Killing Fields; The Rum Diary
- Gweithio gyda Kubrick: Doug Milsome ASC, BSC, gyda Richard Greatrex BSC
- Teithio’r byd gyda Jack Cardiff: Craig McCall
- Technoleg Cynhyrchu – ‘Fight, Flight or Embrace’: Miguel Ferros
- Celfyddyd Cyllideb/The Art of the Budget: David Ball
- Cynllunio Sain: Paul Davies
- C&A gyda Nigel Ashcroft: Cyd-gynhyrchydd The Tree of Life, Terrence Malick
‘Hay on Film’ yn Sinema Siop Lyfrau Richard Booth Mai 25ain - 27ain 2012. Pris tocynnau - £10 yr un
Swyddfa docynnau: 01497 821526
Ymholiadau : 07896 044044 / 07805 039290
